Uncategorized

Naaalala ko pa noong bata ka… para kay Lauren

Naaalala ko pa nang bata ka…
Ang iyong iyak, tanging ako ang tiga-tahan
Sa iyong pagtulog, sa bisig ko naka-unan
Ang iyong ngiti, parang akin lamang.

Mabuti pa noong bata ka…
Sa aking paglisan, humahabol ka
Ang tinig ng aking boses sa iyo’y nagibibigay sigla
Sa bawat kwento at bilin ko, ika’y natutuwa

Ngayon ika’y nagdadalaga na…
Sa aking wika ika’y minsa’y nagbibingi-bingihan
Tila humahanap ng ibang kakuwentuhan
Ang aking pagkalinga’y di mo na maintindihan

Ngayong ako ay tumatanda na…
Ang iyong pagka-bata akin nang sinasariwa
Ang aking pagdadalaga pilit kong inaalala
Nang maintindihan at patuloy kang bigyang kalinga

Sa iyong pagtanda at pagyakap sa kasarinlan…
Tandaan mo sana ang panahon na nagdaan
Payagan mong minsan humimlay sa aking kandungan
Kailanganin kita, kahit di mo na ako kailangan

20120815-101543.jpg

Advertisements

2 thoughts on “Naaalala ko pa noong bata ka… para kay Lauren”

  1. naalala ko pa nang ikaw ay lider-kabataan
    matalino, mapagtanong, malikhain, masayahin,
    mapagpalaya at di pasusupil.

    uminog ang panahon
    dumaaan ang sari-sari at kung anu-anong usapin
    sa iglesia, lipunan at daigdig na kinabibilangan
    di mo iniwan ag pagiging kabataan
    matalino, mapagtanong, malikhain , masayahin
    mapagpalaya at di pasususpil.

    at sa iyong pagtuklas ng maraming kaalaman
    sa pagwasiwas, pagtapon sa teolohiyang hungkag at walang laman
    di mo iyan ikinubli kay lauren ngayon na tumatahak ng sariling daan
    ang pagiging ina nga ay pagiging ina sa anak, at pagiging ina sa sarili

    mabilis ang panahon madalas na kasabihan
    di man habulin palaging nandyan nyang katangian
    di masasayang ang oras at panahon
    sa bawat paggugol na alay sa mas matinong lipunan kaysa ngayon.

  2. Kung ang paglaki nga ay mangangahulugan
    Ng paghihiwalay na di nais kailanman
    Di ko na nanaising ikaw ay lumaki
    Upang sa aking tabi di ka mawaksi.

    Ngunit paglaki ay sadyang nakaguhit
    Sa buhay na hindi ipinagkait
    Kaya’t paghihiwalay man ay di maiwasan
    Nanaisin kong patuloy mong matuklasan

    Pagmamahal sa iyo kailanman ay dalisay
    Maging sa pagtahak sa sariling buhay
    Wagas na pagmamahal kailanman laging nakalaan
    Sapagkat aking sinapupunan iyong pinagmulan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s