May asin sa luha ng batang umiiyak sa gutom
May asin sa dagat na pinangingisdaan ng bangus at galunggong
May asin din sa mga lamang dagat tulad ng talaba at tahong
May asin na galing sa dagat na inaani sa tamang panahon
May ilaw na tila sumisikat tuwing tayo’y gumigising sa umaga
May ilaw na pakindat-kindat sa maliit o malaking kandila
May ilaw sa ngiti ng isang binatang may pag-asa
May ilaw na sumisilip kahit sa pinakamadilim na selda
Ang asin ay hindi isang handog sa Diyos sa isang magarang altar
Hindi rin kailangan ang kandila sa templong puno na ng kumikinang na mga ilaw
Ang asin ay nilulusaw hanggang wala nang matirang butil
Ang ilaw ay nagliliwanag lamang kung ang kapaligiran ay naninimdim
Tayo nga ba ay ilaw? Tayo nga ba ay asin?
Kung sa gitna ng kapighatian, tayo ay sa iglesia nakalilim.
Ang tunay na ilaw, ang tunay na asin
Handang malusaw sa bagyo at magbigay ilaw sa panahong pinakamadilim.
Art by Shiloh Sophia McCloud
diwatalakayan 